人言可畏｜鋼琴老師被傳做「私鐘」 家長未有求證欲換人：唔想個女有錯誤價值觀

除了師資和教學方式，不少家長亦關心老師的性格、為人態度和私生活。有家長發文透露，稱最近同學之間流傳一個說法，指女兒的鋼琴老師兼任「私鐘」。對此，事主未有加以求證，就直指對該名女老師有所保留，打算為女兒轉另一名鋼琴老師，坦言「唔想畀個女有錯誤價值觀」，引起網民熱議。

Facebook專頁「家長 Secrets」周三（16日）刊登一名網民的投稿，事主表示女兒跟隨一名女老師學習鋼琴一段時間，最近同學間卻流傳該名女老師兼任「私鐘」（提供伴遊或性服務）的說法。雖然傳言未經證實，惟事主亦對應否讓女兒繼續跟該名女老師上課有所猶豫，直言：

「都明白而家教琴好難做，但係為錢做到咁，應唔應該轉老師？唔想畀個女有錯誤價值觀。」

事主透露，該名女老師平日性格和善，教琴師資優良，形容對方「有Quality（質素）」，亦頗具知名度，對於有傳言指她兼任「私鐘」感到不可置信，遂發帖詢問網民意見，表示：

「雖說笑貧不笑娼，但真係好亂呀！大家遇到會點做？」

【生仔要考牌】縱容5歲兒公園爭玩打人，港媽不滿怪獸家長無家教，完美演繹「他只是個孩子」，詳情即睇：【下一頁】

網民：做「私鐘」同教琴有衝突？

不少網民看到帖文後，卻認為教授鋼琴和兼任「私鐘」之間不存在衝突，「做唔做『私鐘』都唔關你事㗎，佢係教你個女學琴，又無教你個女做『私鐘』」、「都算係用自己努力去賺錢呀」、「又如何？你個女學琴咋嘛，又唔係去幫襯佢『私鐘』」、「佢上堂嘅時候會同你個女分享做『私鐘』嘅心得㗎咩？」。

網民：「流傳」同「真正」有分別㗎喎

亦有人認為事主不應輕信傳言，「流傳嘅嘢，傳乜嘢都得，人言可畏，流言可以殺死人」、「個鋼琴老師話晒係有啲名氣，有機會係佢嘅競爭對手特登製造謠言都唔出奇」、「未經證實就將啲消息傳嚟傳去，真係一啲都冇尊重過另一個女人嘅聲譽，同埋一啲同理心都冇囉」、「咁樣唔係『發現』，無證據叫『誹謗』」。

自私家長 ︳家長懶理停面授課照帶病童回校，幼稚園老師斥：唔好害其他小朋友，詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀